ابڙو اڪيڊمي Abro Academy
2020-07-23
داخلا نمبر 647
عنوان هنج (گَرو)
شاخ پکي
پڙهيو ويو 335
داخلا جو حوالو:
هنج (گَرو)
هنج (گَرو)
90سينٽي ميٽر (35 انچ) جسامت واري ھن قاز جا نَر ماد ھڪجھڙا ٿين ٿا. ھلڪو سرمائي مٿو؛ ڳچي، پيٽ ۽ پٺي گـھري رنگ جي ھوندي اٿس. اڪثر ڍنڍن، ندين ۽ تلائن تي نظر ايندو آھي، يا وري گاھير ميدانن ۽ چاراگاھن ۾ ھلندو يا ڊوڙندو ڏسبو آھي. ھي مضبوط ھاٺيءَ جو پکي آھي. چھنب ننڍي پر مضبوط اٿس، جنھن سان ٻُوٽن جا پن ۽ ٿُڙ کوٽي کائي ويندو آھي. ان جا پَر نيرڙا سرمائي ھوندا آھن، جنھن جون ڪناريون ھلڪي رنگ جون ٿين ٿيون. ھنن پکين جو ولر عام طور تي انگريزي اکر “V” جي صورت ۾ سفر ڪندو آھي. گَرو ھنج خبردار ۽ شڪي طبيعت جو پکي آھي. معمولي کڙڪ تي اڻوڻندڙ ۽ زوردار تکي ٽرانڪ شروع ڪندو آھي. ان جو آکيرو زمين تي تانگھو ۽ قدرتي کڏو ھوندو آھي جنھن تي پَن ۽ اندرين پيالي تي کنڀ ھوندا آھن. سڄي اتر ايشيا ۾ اتر اُپکنڊ تائين ۽ يورپ ۾ ٿئي ٿو. ڳوٺن ۽ فارمن تي پاليل اڇي رنگ جا قاز اصل ۾ ھن ئي قاز جو پالتو قسم آھن.